Poslovne vesti - Makedonija

Директна авиолинија од Охрид и од Скопје до Брисел

Директна авиолинија од Охрид и од Скопје до Брисел ќе се воведе идната година од мај.

Белгиската авиокомпанија „Џетерфлај“ ќе започне со летови двапати неделно од Охрид и од Скопје до европската престолнина во текот на летната сезона. „Џетерфлај“ има намера да ги привлече патниците што сакаат да летуваат во Охрид, но и да им обезбеди директна авионска линија на оние што службено треба да патуваат од Скопје за Брисел.

Рутата ќе биде оперирана како триаголник сервис, при што ќе се полетува од бриселскиот национален аеродром за Охрид, а потоа за Скопје, пред враќањето во Брисел. Компанијата користи авион од типот „боинг 737“, а билетите ќе се движат од околу 80 евра во еден правец. Инаку, Македонија засега е една од ретките европски земји што нема директна линија за Брисел.